ENGLISH/INUKTITUT
traditionandtransition@mun.ca        
    

    

    

    

    

    

    

SivuliusetMikâk Paningit: UllusiugutiKanik Inunnik Annanik Sivulittiujunik Nunatsiavuttimi

Kaujisattet Ilagengujut

Joan Andersen
Peggy Andersen
Kim Campbell-McLean
Ashley Dicker
Tracy Ann Evans-Rice
Shirley Flowers
Shirley Goudie
Bev Hunter
Andrea Procter
Charlotte Wolfrey

Kaujisattik

andrea.procter@mun.ca

Tânna Panet Mikak-mut pikKujisimajuk inunnik Nunatsiavummi unikkâgiamut sangijonninganik, silatujonninganik, amma nalligusunnimik. UKâlattausimajut pitjutigillugit NunaKakKâsimajiujunut annanik ilanganik takunnâluasimajuk asinginnik, tâvatuak tânna suliangujuk tugâgutiKasimajut avaluliugiallagiamut amma nalunaitsigiallagiamut uKâlautigijausimajunut sakKititaumajunut amma pitjutiKajunut Inuit annanut Nunatsiavummi ilitatsijumik amma ullusiuttaumajunik sangijojunut. Ammalu sangijuluviniKavuk ullusiugiamut!

Tânna isumagijausimajuk piusigisimajanga suliatsamut pigiasisimajuk nunalinni KaujimaKatigeniammata taikkua katingaKatigejut ilagitlugu uvagut Tom Gordon-imillu ukiatsâmi 2014-nami ilingajumut PiusituKannik amma Asianottauvalliajunut Kaujisattingata Ikajuttigejunut. Unuttumaget inuit Nunatsiavummi, ilautillugu Charlotte Wolfrey, uKâlautiKalauttut pitjutigillugu taimangasuanit tataminattut annanik iluani nunakKatigengitumi, amma unuttumagingit ilitagijausimangitut ilonnanginnik suliatsagisimajanginnik. Tânna suliangujuk pivalliatausimajuk taikkunangat uKâlautigijausimajunit, ikajuttigetlutik akungani Nunatsiavut kavamakkut Ilitagijaugutiilet Annait SuliaKapvinga, AnânauKatiget Tumingit NunakKatigengitut Inuit Annait katutjiKatigegutinga, Memorial Ilinniavitsuanga Kaujisattinga, Andrea Procter, amma uKautjigiajet suliaKaKatigejut katingaKatigejut annait nakituinnak pisimajunut Nunatsiavummi.

TugâgutiKasimavugut unikkâgiamut unikkausinnik tamannauluasimajuk uKausigijausimajut pitsatujualosimammata – avaluliujut tukisijavuttinut imminut, asittinik, ilagegutittinik, amma atuKatigesimajut taimangasuaniusimajunut. SuliaKaKatigisimajavut inuit Nunatsiavummit sanagiamut Kagitaujannotausonik unikkausinnik pitjutigillugit pitsiasimajunut Inuit annanik inosigisimajanginni. Tamakkua unikkauset atuKatigettauniattilugit Facebook iningani, amma atuKatigettautlutik nanituinnak Nunatsiavummi, sanavalliagatta uKausitsanik ilinganiKajunut nalligusunnimik taikkununga sangijojunut Inuit annanut. Ullumimut, sanasimavugut ungatâni 44 Kagitaujammottausonik unikkausinnik ilingajumut Facebook ininganut, amma Kimiggutausimajut ungatânut 40,000-tiutigijunut. Ilangit tâkkuninga unikkausinnik sakKititsisimammijut ilanganginnik ilingattitautluni omunga Them Days atuagaliuttauKattajumut pitjutiKajunut Labrador annanik iluani Mertz 2017 atugaliuttausimajunut, ammalugiallak Newfalâmi SitaimaittuKattajumut Jârimi allataumaKttajunut Decemberami 2017.

kinakkutuinnait sanasimajut Kagitaujammotausonik unikkausinnik pitjutiKajunut annanik piugijanginnik unuttunik pitjutiKatlutik—ilinniatitsisongunninginnik asinginnik pitjutiKajunut piusituKait Inuit piusinginnik, ataKatiKasongunninginnik asinginnik amma sanagiamut nunalinnik, pigumatsiaKattaningit ângutigiamut tugâgutittinginnik, amma piggautigisimajanginnik uKumaittukotlutik inosinginni. Tamannausimavuk sangijonninginnik ilinganiKasimajut tâpsumunga ilonnâgut suliagijausimajumut – tugâgutiKatluni inuit pisongunninginnik, silatujonninginnik, amma atusimajanginnik. SangijuluviniKavuk Nunatsiavummi nunagijanginni amma annanik, amma tânna suliangujuk tugâsimajuk sanagiamut tâkkuninga sangijogettunut ilitatsinikkut amma ullusiunnikut taikkununga taimangasuanik amma ullumiulittuk sivukkatiujunut inigiKattajanginnik Inuit annait inigiKattajanginnik sakKititsigiamut amma tigumiagiamut Kanuingitunik nunalinnik Nunatsiavummi.

Suliangujut